السيسي للمصريين: صاحين بدري ليه؟ متقلقوش من حاجة "إحنا جامدين قوي وكل حاجة زي الفل"

الرئيس السيسي عقب عودته من نيويورك

---

وجه الرئيس عبد الفتاح السيسي، صباح الجمعة، رسالة إلى المصريين عقب عودته إلى القاهرة بعد زيارة للولايات المتحدة الأمريكية التي شارك خلالها في أعمال الشق رفيع المستوى للدورة الرابعة والسبعين للجمعية العامة للأمم المتحدة.

حيث حرص الرئيس السيسي على تحية المئات الذين تواجدوا بمطار القاهرة لاستقباله صباح اليوم، قائلًا: "أهلا بيكم".

وأضاف الرئيس: "ايه اللي مصحيكم بدري الموضوع مش مستاهل خالص .. لازم تعرفوا كلكم إن الشعب المصري واعي قوي .. إزاي الصورة تترسم علشان يزيفوا الواقع ويخدعوا الناس ويضحكوا عليهم .. المصريون أصبحوا أوعى من كده بكتير .. الموضوع اتعمل قبل كده ولم ينجح، ليه علشان ربنا وعلشانكم متقلقوش من حاجة".

شاهد رسالة الرئيس السيسي للمصريين عقب عودته إلي أرض الوطن

وأكد الرئيس للمواطنين "كل حاجة ماشية زي الفل، أنتوا بتسمعوا كلامهم وتصدقوه وتتعاملوا معاه على أنه حقيقة؟ الموضوع مش كده خالص .. دي صورة بتترسم زي ما اتعمل قبل كده، عبارة عن كذب وافتراء وتشويه وكتائب إلكترونية شغالة وشوية إعلام بيشتغل علشان يقدم صورة مش حقيقية، أنتوا لازم تكونوا واعيين لكده .. إحنا جامدين قوي إن شاء الله، والبلد جامدة قوي بيكم".

واستكمل السيسي حديثة للشعب المصري حينما سأل عن رسالة للمصريين بشأن دعوات التظاهر التي أطلقتها الجماعات الإرهابية، وقال "الرسالة دي كنا بنتكلم عنها من أسبوع قبل ما أسافر إلى نيويورك، وقلنا يا مصريين خلي بالكم مش هيسبوكم تنجحوا ولا تتهنوا على حاجة، هي حرب بيننا وبينهم، مجموعة قد كده، قدام شعب كله، هتصدقوهم إزاي؟ .

والإعلام عليه واجب كبير لتوعية الناس والتصدي للشائعات والكذب، والناس البسطاء طيبين أوي، وهما فاهمين كويس .. مصر مكانها كبير قوي وشعبها كبير .. مكانة مصر بشعبها".

وواصل الرئيس حديثه: وأقول للمصريين "يوم ما هطلب من المصريين ينزلوا زي يوم التفويض في 7/3/ 2013، هتكون رسالة للعالم كله، هتنزلوا ملايين مش أقل من كده".