محلوله !!!

---

محلوله !!
هو باب صحفي جديد منكم وليكم هتبقي "محلوله"  ولأن بقي فيه فجوه كبيره بين اللي بيتقال واللي بيتنفذ، ولأن بعد ما كان الإعلام هدفة التوعية ونشر الثقافة، ومحاولة الوصول لحلول كلما أمكن.
ولأن الإعلام حاليآ سيطر علية رؤوس الأموال، في صورة رعاه رسميين، أو إعلانات داخل العمل الفني أو الإعلامي، وبقي كترة المعلنين دليل علي نجاح البرنامج، أو لأننا أصبحنا إحنا السلعة المستهدفة
للربح، بعد ما كنا الهدف التوعية والإرشاد والتوجية.
ولأن كله بقي بيتكلم في كله .... سعدت جدآ عندما تم إختياري من مؤسسة الإبداع الإعلامي وتنمية المجتمع للمشاركة معاهم ...
الحقيقه طلبوا مني أكتب مواضيع صحفية ...
فطلبت منهم إني أفرد المساحه للقارئ، يعني حضرتك هتبعت اللي أنت عاوزة، سواء كان موضوع تناقشه ... أو نناقشه معآ ... أو مشكلة داخل الجهاز الإداري "لشغلك" ... ومسئولي المؤسسه هايوصلوها للمسئول ... ولو قاموا بالحل هنشكرهم ونكتب إنها اتحلت ونشير للمسئول ... وصاحب المشكله هانشير ليه بحروف ... ولو صاحب الموضوع عاوز نكتب أسمه ما فيش مانع المهم المساحه دي بتاعتكوا أنتوا والتعليقات عليها سواء علي الموقع أو علي صفحات الفيس بوك.
حتي الوظايف، لو طالب وظيفة أو مطلوب موظف ممكن تراسلنا ويا بخت من وفق وظيفة في الخير.
الباب أنتوا اللي هتشغلوه وإحنا اللي هنساعد بحلول.
وهنا الإعلام هيحاول يساهم بالمساعدة سواء بمناقشة الحل في مشكلة أو توصيل المشكلة للمسئول لمحاوله حلها.
عموما هنحاول تكون كل المواضيع «محلوله» .
إن شاء الله ... الله المستعان.
راسلونا علي الميل الآتي:
E.mail: Dr.MaysaReda@mediacreativity.org
في انتظار مواضيعكوا «محلوله» ...